Google ADS

E pranojnë që kishin vënë bombë në xhami

15:15 | 25 Janar 2019
Arbresh.info

Dy anëtarë të një grupi të njohur si Lepujt e Bardhë kanë pranuar të kenë vendosur bombë në një xhami në Minnesota më 2017.

Policia thotë se Michael McWhorter dhe Joe Morris donin të frikësonin myslimanët që të iknin nga SHBA-të, transmeton portali arbresh.info.

Dyshja, të cilët pranuan një numër akuzash, përfshirë sulm të dështuar në një klinikë aborti, përballen me 35 vite burgim pas një marrëveshjeje me prokurorinë.

Askush nuk është lënduar në sulmin që ndodhi në Qendrën Islamike Dar Al Farooq në periferinë Minneapolis.

Një burrë i tretë, 47-vjeçari Michael Hari, i cili është themeluesi i pretenduar i Lepujve të Bardhë, është në paraburgim dhe në pritje të gjykimit. Ai nuk ishte pjesë e marrëveshjes për pranimin e fajësisë./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm